"Una triestina in Australia - storie di donne triestine, friulane, istriane e dalmate" al è il titul dal volum scrit de gjornaliste Ondina Demarchi che ai 25 di Març e à cjapât a Salò il premi pal Concors leterari intitulât a chê citât e si prepare a cjapâ ai 9 di Mai a Triest il premi pal Concors leterari "Altamarea", dedicât a Umberto Saba. Dopo des presentazions talianis, fatis a Mugle ai 13 di Setembar dal 2006, in ocasion di un incuintri inmaneât de A.I.D.A. (Associazione Interculturale Donne Assieme) e a Triest, in Galleria Tergesteo, ai 16 di Setembar dal stes an, pal Primo Salone del Libro dell'Adriatico Orientale, il libri al è stât presentât a Sydney, ai 15 di Març dal 2007, li de Casa d'Italia, denant dal consul gjenerâl di Italie, Benedetto Latteri e dal diretôr dal Istitût talian di culture Gerlando Butti. I dîs dopo il gjornâl "La Fiamma" al à dedicât une pagjine al event.
